🍆
هاوادا اؤز جانئنگ جان

اۇغلانلئق‌دان سؤیۆلدینگ
آتانگ سانگا دییدی جان
خان‌اۇغلئ‌دئنگ خان‌اۇغلئ
آخئرئ‌هم بۇلدونگ خان
غاپئنگا گلدی مسگین
برمه‌دینگ بیر دؤوۆم نان

▪️هاوادا اؤز جانئنگ جان
▪️ایلینگ جانئ بادامجان

اۇغلانقانگ آتانگ سانگا
چارخ ابردی پیتیکلأپ
کؤسنردیک ائزئنگدا
چارخجاغازئنگ ایتیکلأپ
هرنأچه غۇراساقدا
کأماحال گۆپۆردۆکلأپ
تاقئر یره دگنگده
قۇوالاردئ آتانگ جان

▪️هاوادا اۇز جانئنگ جان
▪️ایلینگ جانئ بادامجان

چؤرکحانانگ صپینده
غۇرقوپ ایلینگ گپیندن
نۇبات یۆزلی آلاردئق
هیچ چئقماردئق صپیندن
گلیم واغتئندا گلمأن
سۇنگ چئقئپ کتگینگدن
آرامئزا سۇقولوپ
آلاردئنگ بیر غوجاق نان

▪️هاوادا اؤز جانئنگ جان
▪️ایلینگ جانئ بادامجان

کأته بییک توپارلانگ
گؤرجک بۇلوپ آرقاسئن
غالابا تکجک اتدینگ
یۇلداشلارئنگ آرقاسئن
من ساغ بۇلسام بۇلیادا
غۇی یۇلداشلام دارغاسئن
دیییپ گرشیمیزی هم
اتدینگ میثلی نردیبان

▪️هاوادا اؤز جانئنگ جان
▪️ایلینگ جانئ بادامجان

کأماحال سانگا بیری
پألی آزئپ سؤونده
خان اۇغولونگ حۇرماتئن
ساقلامانئ دؤونده
یئقئپ غوما بولاردئق
ایکی گؤزۆنگ اؤنگۆنده
گؤرگأ غالان بیز ولی
سن بۇلاردئنگ پألیوان

▪️هاوادا اؤز جانئنگ جان
▪️ایلینگ جانئ بادامجان

دینگه شیدیپ اولالدئنگ
اولئ توتدونگ اؤزۆنگی
سالاومألیکیم دییمأن
سؤزدۆنگ دینگه گؤزۆنگی
ایل ایچینده سؤزلأنگده
اۇوادانلاپ سؤزۆنگی
دییدینگ خان اۇغلئ من خان
ایل هم بۇلسا غورئ سان

▪️هاوادا اؤز جانئنگ جان
▪️ایلینگ جانئ بادامجان

دوشمان دۇلدئ سرحده
غۇزغانمادئنگ یرینگدن
جانئنگ دورسون کناردا
گچمه‌دینگ بیر پرینگدن
آیلانایئن باشئنگدان
دۇلانایئن سرینگدن
گؤیأکی بیز غارامال
یکه سنینگ جانئنگ جان

▪️هاوادا اؤز جانئنگ جان
▪️ایلینگ جانئ بادامجان

اشتدیم وکیل بۇلجاق دییپ
یازدئرئپ‌سئنگ آدئنگئ
سن ایلینگ دادئن آلسانگ
کیم آلسئن سنگ دادئنگئ
شۇل بورنونگئ چیشیریپ
چئقارمانئ بادئنگئ
حأضیر بوگۆنه چنلی
گؤزله‌یأنگمی شؤهرات - شان

▪️هاوادا اؤز جانئنگ جان
▪️ایلینگ جانئ بادامجان

📗 ارتیردانگ آتسا بۇلیار
صفحه 42___46
✍موسی قزلجه
88/11/08
@Tnzbook
22