Gurbanlykda

 

Gyzkaň beýik bezenip,

Şaýlandyň gurbanlykda.

Bäsdeş joralaň bilen

Aýlandyň gurbanlykda.

 

Aýlanyp bize geldiň,

Edil öýmüze geldiň,

Görüp seni begendim,

Saýlandyň gurbanlykda.

 

Bir däli baş ýigitkäm,

Geldiň çigje çigitkäm,

Otly çöpdiň nebitkäm,

Taýlandym gurbanlykda.

 

Ys bardy mal çöründe,

Meň gözüm dört örümde,

Ýüregimiň töründe,

Jaýlandyň gurbanlykda.

 

Jaýlandyň sen gursakda,

Onsoň aldyk rugsat-da,

Emma ajap pursat-da,

Öýlendim gurbanlykda

 

Musa GYZYLJA

@tm_kanal