دأده جان گِرِک (اصلاح شده)

 

اتام مانگا آتا بۇلوپ بیلمه سه

ایسله یان زادئمی آلیپ بیلمه سه

دردی گۆیچلی بۇلوپ گۆلۆپ بیلمه سه

ناده یین آتامی کۆیسانده یۆره ک

ساچئمی سئــپایان داده جان گرگ

 

آتام بارسئز بۇلوپ الی بۇش بۇلسا

الی بۇشلار بیلن هم یۇلداش بۇلسا

اؤز غارئـپ گۆنۆنە اؤزی خۇش بۇلسا

ایدیرسه ده مانگا قاتئجا چؤرِک

ساچئمی سئــپایان داده جان گرگ

 

آتام خۇرلوق چکیپ عاذابدا بۇلسا

کاته گۆلۆپ کاته غاضاپدا بۇلسا

دینگه رزقی اوچین اوزاق دا بولسا

دۇلانسادا اؤیه یئلدا بیر گزک

ساچئمی سئـپایان دأده جان گرگ

 

برگی پایلاپ اؤیه غوتارئپ گلسه

گۆلر یۆزی بیردن توتولیپ گلسه

الینینگ بۇشلوغنا اوتانیپ گلسه

عالیک اشتمسم ده سالاما درک *

ساچئمی سئـپایان دأده جان گرگ

 

گؤزۆن یوموپ راحات بۇلیان بۇلسادا

غایغی هم غوصصادان دئـنیان بۇلسادا

گۆنده مۆنگ دیرله نیپ اؤلیان بۇلسادا

بۇلان واغتی حالئم کؤپ منِک منِک

ساچئمی سیپایان دأده جان گِرگ

 

آتامئنگ شؤهراتی شآنی بۇلماسا

عایبیئ یۇق آیراتئـن دۇنی بۇلماسا

بارلئ لانگ ایچینده سانی بۇلماسا

سانسئز یاشاتسادا اۇنی کچ پِـلِـک

ساچیمی سئـپایان داده جان گرگ

 

غۇرقامدا غۇرقماغئن جان بالام دیسه

زادئ غایغئ اتمه من بارقام دیسه

غۇرقما بالام غۇرقما من آرقانگ دیسه

غئسئلئپ آغلامدا کأ آزاق تِـنـِـک

ساچئمی سئـپایان داده جان گرگ

مــوســـی قــــزلـجـــــــه

 

* عالیک دیمه سه ده  سالاما درک