M U S A - GHEZELJEH:
🙏🌸✍ باغئشلا مایام آدلئ یادلاما
🔻 بیرینجی بؤلۆمی
سنی سؤیۆپ گؤز یتیردیم بیرزادا
قئنچئلئق یۇق عجیزلیک بار دۆنیأده
قالبئمئنگ تؤرۆنده اۇرون آلان شۇل گؤزلی یاتلامایان گۆنۆم بارمئقا?
سؤیگی حاقدا صؤحبت ادیلسه یا - دا غۇشغئ
دینگله سم یا - دا سؤیۆشیأنلری گؤرسم
بی ائغتئیار یادئما شۇل گؤزل دۆشیأر.
آنا اۇنسۇنگ یادلامالار یوماغئنئ چؤزلأبریأن
چؤزلأبریأن ....
اۇنونگ ائزئنا دۆشدۆگیمچه - ده یۆره گیم
غئسئپ باشلایار.
لأله جان نأمه اۆچین بیر شهیرده یاشایانام
بۇلساق سانگا دوش گلمک قئن.
دیدارئنا زار بۇلان شۇل گۇزلمینگ گۆل رۇیونا
تشنه گؤزلریم اۇنئ دینگه شۇنئ گؤزله یأر.
اۇل بۇلسا یۇق هیچ یرده یۇق .
شۇل اؤنگکۆجه یۇدانئ ائزلاپ یۇللارا باریان
امما اۇل یۇق.
هاوا من اۆچ چاغانئنگ آتاسئ . اولۇجا غئزئما
شۇل گؤزه لینگ آدئنئ داقدئم.
غئزئمئنگ گؤزلریندن اۇنونگ گؤزلرینی گؤزله دیم .اۇل گؤزلر بۇلسا دینگه اؤزکشبیم
سأهلچه یرده سأولیک گؤیبرن عزیزکشبیم بار.
من اؤزۆمی ییگرنیأن من اۇنئ بئ چاق سؤییأردیم.
اؤلۆپ.- اؤچۆپ سردن گچیپ سؤییأردیم.
اۇنونگ دا مانگا بی پارخ دألدیگینی دوییاردئم.
یری شۇنی دویان سۇنگ سانگا باشغا نأمه
گرکدی دییسنه ?!!.....
انچه گزک دوشوشوغا چاغئردئم . بیرگزک چاغئران یریمده غاراشئپ دوران دۇستومئنگ
"گلیأر" دیین سسینه غالپئلداپ اوغرادئم
اۇل بۇلسا بیزینگ دنگیمیزدن باشغا یره باریان
یالئ سۇوولوپ گچیپ گیتدی .
من بۇلسا گدم اؤزۆنه گؤونی یتیأن اۇغلان
شۇل گۆنۆنگ اؤزۆنده اؤیلنمه گینگ اوغرونا
چئقدئم .
غارئنداشلارمئزئنگ یازجمال آدلئ غئزئنئ
مانگا آلئپ برسی گلیأن کأبأم بگنه - بگنه
منینگ ایکی گؤزۆمی دؤرت اتدی .
مایام دان آیرا سالان یئللار کؤپه لیبردی .....
کؤپلدیگیچه شۇل آیرالئغئنگ سالان یاراسئ
تأزه له نیپ گیدیپ اۇتئر.......
دۇغرئ اۇل منینگ دورموش تۇیوما گلیپ دی.
میثلی طاووس غوش یالئ سأهل زاتدان اۆرکۆپ دوران گؤزه لیمه اؤزۆمینگ "باغتئمئ"
گؤز ادیپ عار آلیاردئم.
دوشوشئغا گلمه سنگ گلمأنی گچ !
دیییپ اؤز یانئمدان هۆنگنگۆرده یأردیم .
اۇنونگ گؤزلریندن غاچان تایلئگؤز یاشئنئ
گؤرن دۇستومئنگ دۇست یالنگئشایدئنگ اؤیدیأن
دیین سؤزلری حأضیرم غولاعئمدا یانگلانئپ دور.
▫️آرادا مکدبی غوتارانمئزئنگ اۇن بأش یئللئق
سنه سبنی بلله مک نییتی بیلن کؤنه جه مکدبیمیزه اۆیشدۆک . اۇل گۆن اۇنگا جودا کأن
غاراشدئم. شۇل گۆن غۇلایلاشدئغئجا یۆره گیم
آغزئمدان چئقئپ باریانا دؤندی.
📙 یادلاما
💔ایکینجی و سۇنگقئ بؤلۆمی
غاپدالئمدا اۇتوران ییگیدینگ "مایا گلیأر"
دیین سسینه بۇلابیله نینی بۇلدوم .
آرماندا غۇیان لألأمی گؤرجکدیم. اۇل بۇلسا
کلاسداشئم ناظارئنگ مایاسئ اکن. من بۇلسا
اؤز مایام - دان باشغا مایا باردئرام اؤیدمأن
شو عزیز آداملار بیلن اۇن یئل بیر کلاس - دا
اۇقاپدئرئن .
من غاراشدئم اۇل گلمه دی شۇل گۆن اۇنونگ
آدامسئنئنگ دۇغولان گۆنی میش وسسالام !
گؤرمک ایسلأن گؤزه لیم حاقئندا باراشیده نیم
شۇل بۇلدئ !
یاشاپ یؤرۆن ایش آلادام باشئمدان آغدئق.
ماشغالام بیلن آغزئبیر. یؤنه شۇل گؤزل
حاقئنداقئ آرمانلئ یادلامالارئم بیرجیک - ده
اؤز ارکیمه غۇیمایار. 😔
اۇل منینگ خئیالئم - دا شۇل اؤنگکۆلیگی یالئ
یاتانجانگ یئغرا گپله مزک. آز - کم غوصصا چایئلان گؤزلرینی آشاق سالئپ بارها مندن
داشلاشئپ باریار......
من " مایا مایاجان !" دیییپ آیاغالدئغئنا خئیالئمئنگ ائزئندان ائلغایارئن. اۇل بۇلسا
ال یتمز سس یتمز گؤز یتمز آلئسلئق دا.
یئل لارئنگ غاتئنا دینگ سالیان اۇندان بۇلسا
دینگه اۇواز اشیدیلیأر :
سنی سؤیۆپ گؤز یتیردیم بیر زادا
قئن چئلئق یۇق عجیزلیک بار دۆنیأده
اوتانجانگلئغئنا یئغرالئغئنا دۆشۆنمأن یالنگئشئپ دئرئن .😒
⛲️تۆرکمن گلین غئزلارئندا دپأنگه تأچ ادینأیملی شو حأصیت لرینه سارپا غۇیمالئ
حالئما ترس دۆشۆنیپ دیرین.
من غالان عؤمرۆمی شۇل ال یتمز لألأم حاقئنداقئ یاقئملئ آرزوولارئم آرزئمان یادلامالارئم بیلن خئیالئمدا شا بۇلان ملیکأم بیلن
یاشارئن .
✍ چارئ
🏢 آشغابات
📗 زنان قالبئ ژورنالئ
🙏 باغئشلا مایام آدلئ یادلاما
✍ تۆرکمنیستانلی سایت دان عاراپ حاطا
گچیرن موسی قزلجه
