توربات جام - دا آلتئن کوپ میش زر کوپ میش
میخمان لاری غارشی آلیان یر کوپ میش
یازیلمادیق تاریخ یاتیر توربات -دا
مردلر یولون ایزارلایان نر کوپ میش
گچن هپته چهارشنبه گونیندن تا جومغابیر ناچه دوستلار بیلن توربات جام
تورکمنلرنینگ میخمانی بولدئق . دیسنگ غاوی غارشی آلدئلار . غئزئقلی
اوتورشیقلار گچدی . توربات جام - دا یاشایان تورکمن دوغانلارمئزئنگ
غاوی لیقلاریندان ناچه آیتسانگ آز .
ایلکی سید قاقا آدلی یاش اولی نگ میخمانی بولدوق گون اورتادی . من
حاضیرم تورکمن گورجه گیمه باردیقلارنام بیلسم اینانمایاردیم . گوونیمه یالان یالی دی .
بابک آدلی دیسنگ خوش صوراتلی ییگید اونگومیزدن چیقیپ ایچری آلدی . سونگ
سید قاقا نی ایواندا بیزه قاراشیپ دوراننی گوردیک . کوممه دینگ خیابان دا یوریپ
باریارقانگ اونگوندن مونگ سانی اوز تورکمنلرمیز چیقسا تاپاویتسیز گچیانگ . یونه
او یرده توربات جام تورکمنلرینی گورمک قاتی بگندیریار. آصیل اوغرامانقاق تورباتدان
خبر گتیرجگمیزه هم قاراشیپ دوران بار. آیدیان ناچه ده اونگدن هم بیلسک حاضیر
حاضیر بیزه توربات جام تورکمنلرینی گورمک شو اونگکی تازه قادناشیق آچیلانی
یالی کوپ بگندیریار.
بابک آقانگ و ییگیدلرینگ گپله یشلرینده اووادان ماخصوص هنگی بار .
مانگا سن نام اوچین آز گپله یانگ دیینلرینده من سیزینگ گپله یشینگیزی
اشدیپ دویوپ بیله موق دییردیم . بیزه گچن آغشام دان قاراشیپ دورمیشلار
ارتیر بیلن هم ایندی گلیپ یترلر دییپ سفر ه نی یازیپ غویوپ دیرلار.
بارامیزدا هم سفره یازیقلی دورموش . ایلکی بیز دورت میخمان و اولار هم آتا
اوغول دیلار سونگ سفرانگ باشی آدام دان دولیبردی . جان مراد آدلی اوغلی بیلن
هم جان مخمد سالاری آقا گلیپ یتیشدیلر . بولارینگ آدلارنی بیری بیرینه یاقین
بولانی اوچین کوپ یالنگیشدیق . ایکی سی هم دیسنگ یر یوزینده تایسیز دیسنگ
ماهریبان ناچه واصپیندا آیدسانگ آیدیپ اوتوریبرملی .
سونگ ینه بیر انچمه یوردلره غاتنایان تریلی سوریجی حاجی آقا (باغیشلانگ
آدینی هم اونودیپ دیرین ) گلیپ یتیشدی غئزئقلی گوررینگلر گچدی .
سیدقاقا بیر سوراغ آرا آتدی .
زمان یاقین گلنده / یر گوگی سو آلاندا / الله دن غیری اولنده / اون سکیزمکان
گیتمزمیش (مختومقلی)
شو اون سکیزمکاندان بیلسه نگیز مانگا سونگ دا بولسا خبرنی گتیرینگ
(یوللانگ ) دیدی . یونه غینانچ بیلن حاضیرم جوغابی کامیل بولانوق .
سیز شو خبری اوقایانلردن هم بیزه بوبابتدا کومک بررسینگیز دییپ
تامامیز بار. ساغ بولونگ .
سونگ ایکیندین آرا کیچی جانمامد آقا بیزی شاهرینگ ایچینه آیلادی
ایلکی شیخ احمد جامی نینگ پاک تورباتینا باریپ جان مخمد آقانگ
تانیشلیغی بیلن آز آچیلیان قاپی لاری آچدی لار و اوندا نفیس شایلاری
کیتابلاری و دیوارینگ یوزینه ناغیشلانان قرآن خاطلارینی گوردیک .
اوستاد کرمانی بو عاجایپ ناغیشلاری دوره دن هم شول یرده یاتیر.
شیخ احمد جامی نینگ مزاری نینگ اورتاراسیندان چیقان پیسته باغی
هم گورنلری حایران غالدیریار.
شیخ احمد جامی نینگ ایزینا دوشوپ گلن داش (روایاتلارا گورا)هم اول بییک بنانگ
باشلانیان یرینده دور.
اون سونگ جان محمد بیزی شهرینگ ایچینه آیلادی . تووه لمه گچن دوورده شهردار
بولان بیر زحمتکش آدام (گمانیم آدی معلمی بولسا گرگ ) شهره بتر غاوی
یتیشیپدیر . آغشام آرا شهرینگ داشیندا بلوار یالی اوزین پارکا گیددیک
اول یر توموس لار بتر شلوغ بولیان بولمالی تووه لمه دیسنگ گوزل جایمیش.
سونگ اوغرامالی بولدیق جان محمد آقانگ اویونه . اول بیمارستان دا ایشله یار
نچه باشی شلوغ بولسادا بیزی بترقاوی قارشی آلدی .
بارسانگ سفره اونگدن یازیقلی قربانلیق یالی چای دان سونگ آغشاملیق
(شام ) بردی . تووه لمه سفره نچه حیلی ایمیت دن دولی . اولار بیر حیلی
ایمیت بیلن میخمانی قارشی آلمایارلار بلکی الیندن گلیان ایشینگ کمینی
غویمایارلار بیز اولارینگ شیله حورمات غویاننا برگیدار .
حاتدا میخمانا یاسسیقی هم جوبوتلاپ بریارلر . سن جوبوت یاسسیغا سویونمه لی
. اول گیجه جان مخمدینگ هم اویی آدامدان دولی دی . غاوی گوررینگ لر گچدی .
شاهیر منصورطبری انه دیلی حورماتلاماق حاقدا گوررینگ لر بردی . غفور باخشی
بیلن رضا باخشی هم آیدیم اوقادیلار .
سونگ تورباتینگ اوزیندن گلن میخمانلار غایددیلار غالدیق اوز اوزیمیز من (موسی
قزلجه ) منصور طبری و رحیم آقا مرادی و قاقا اخگر و جان مخمد و اونینگ
ماشغالاسینینگ دوغانی (یورجی یا قایین اینی سی) دانگا چنلی اوتورشیق
گچدی . دانگا چنلی دگیشمه غوشغولاری اوقادیق . جان مخمد یاریم ساغاتجیق
دینج آلیپ بیمارستانا اوز ایشینه اوغراپدیر. بیز هم اونا غولای توردیق ارتیرلیک
اییپ . خوشلاشیپ بازارا چیقدیق غفورباخشی نگ دوکانینا باردیق بازارا آیلانیپ
اویلان نهارا حاجی آقانگ اویونه باردیق . نمه آیدایین ینه شول اونگکی تاریپلامی
آیدمالی بولیاندا بیزی بتر غاوی غارشی آلدیلار. بیر نچه تازه آداملارهم گلدی
اولارینگ بیری مرحوم غارلی شاهیرینگ اوغلی دی .
تورکمنیستاندان هم ایکی میخمانلاری بارمیش . غاوی گوررینگ لرگچدی
اوغول قیزلانگ یوقار اوقو اوقیمالی حاقدا . ینه ده اولار تربت جامینگ تورکمنلرنینگ
تورکمنصحرادان الگو آلیاندیغنی نئغتاپ گچدیلر .
اونگا گورا تورکمنصحرادان ایچرماشغالاسی بیلن گیدیانلرینگ ماشغالاسی
وقیزلاری تورکمن صحرانگ اوزینده کان حالانمایان اگین اشیک لری بیلن
گیدمه سلر و تورکمن گلین قیزلارینا لایق اگین اشیک بیلن گیدسه لر غاوی بولجاق
دییپ نتیجه آلیندی . (هامانا غولماق کوینک و چاک باز یالی کوینکلر بیلن گیدیلمه سه ).
سونگ اول یرده ماخول اوتورامیزدان سونگ خوشلاشیپ آیلانماغا چیقدیق .
.. ساعت باشه غولای کریم آقا سالاری نینگ اویونه باردیق . اول گیجه مرحوم
غارلی شاهیرینگ اوغلی مخمد عالی یوسفی هم گلدی گیجانینگ بیر واغتینا چن
غاوی گوررینگلر بردی . البنه ایلکی آغشام هم کریم آقانگ پارس توربات جاملی
جناب آقای جامی هم ایکی ساغاتا غولای آرامیزدا اوتوروپ غاوی گوررینگلر بردی .
شول گیجه مخمد عالی یوسفی تورکمنصحرادان باریپ شول یرده غاوی آد آلان
بیر باتیر نظامی دان بیر غینانچ یادلاما آیتدی . اول شهید سیجوالدان گوچوپ
باران اکنی . اشرار بیلن ساواشیپ اولاری قاچیرمادا اوکده وشیر یوره کلی میش
اول اوزاق ماموریته گیدنده اوزینه آیراتین یول آذیقا طاییارلایارمیش اونی ناحیل
طاییارلایانی دوغری دان غاوی دوشونشیپ بیلمانسنگ یازیپ بیلجک دال .
اول بیر گون آغیر ماموریته گیدنده شهید بولیار یونه بو خاباری اونینگ ماشغالاسینا
باشغا صوراتدا یتیریارلر . اونگا سن ارتیر تورکمنصحرا گیدملی بولدینگ آدامینگ یاقین
لارینا یاس دوشوپدیر دیارلر. اول زنان ناچه ده آدامیم گلنده بیله گیدرریس دیسه ده
اونگا آیدمانی ارتیر ایردن تاکسی توتوپ تورکمنصحرا یوللایارلر . یونه شول آغشام
اونگ اویونئه گچن زات شیله میش . اولارینگ اوی ایتی دانگا چن قاپا غونوشیپ
غاپی دان تاوسیپ گچه غاجاق بولیارمیش . شول گیجه سسی ناچه اوی
غونگشی اوتورانلاری هاولاپ یاتیرماندیر. گیجانینگ یاری غونگشی لاری گلیپ غاپی
نی قاقیارمیش لار یونه ایتی غویدیریپ بولمایارمیش . ارتیری تربت جامینگ
آسمانیندان طیارالی گل سچیپ دیرلر سبابی بو شهید ایلینگ آراسیندا آدی
دیسنگ حورماتلی میش . تورکمن لر جنازانی بیزلر ایلکی آیریلانینگ اوز اویینه
اکیدیارس دییپ اول شهیدینگ پاک پیکرینی اوز اویونه گتیریپ دیرلر . جنازانگ حیاطا
گیرنی شول ایت سسینی غویوپ دیر اوندان سونگرا سسینی چیقارماندیر . مخمد
عالی شیله دیار من اونینگ گوزیندن یاش آقانینی هم گوردیم . حایوانینگ طاناپینی
توتدیم یرینگ آشاغینا یوللام دا سسینی چیقارمانی دیه نیمی اتدی دیار .
باریمیزی بیر ناچه مونوت گپله تمانی غویدی بو واقانینگ تاریپی . اول باتیر ینگ
فامیلی ایری بولمالی یونه درجه سینی هم بیلمه یان . اوزی هم سیجوال دان
بولمالی . یاتان یری یاختی و جایی شجنت بولسون و خدای قالاننا اوزاق یاش
برسین . باتیرلار میدام اوز ایلینینگ ذهینینده دیری و یور ه کلرینگ تورینده اورون
آلیاندیرلار.
کریم آقانگ اویونده هم شول گیجه کوپ اوتوردیق و ارتیر غوشلوق اییپ رخصت
دیلاپ تورکمنصحرا قارشی دولاندیق .
من غلام باغشی نی هم غاتی گوره سیم گلیاردی یونه نصیب بولمادی گورمانه
غفور باغشی بیلن هم بوبابتدا گورله شه میزده اوبا غویونلارنینگ ایزیندان گیدن
میش . اونگا گورا شو یرده حورماتلی خالیپا غلام باغشا اوزاق یاش دیلاپ سوزومی
غوتاریان . ساغ بولونگ .
ساغ بولسون لار توربات جام تورکمنلری .
------------------------------------------------------------------------------------
